फिफा वर्ल्ड कप २०२२ नोभेम्बर महिनाबाट सुरु हुँदैछ। कतारमा हुन गइरहेको विश्वकपको तयारी फिफाले पूरा गरेको छ भने छनोट भएका देशहरू आवश्यक सबै काम पूरा गर्ने अन्तिम तयारीमा छन् ।

यो प्रतियोगिता पहिलो पटक अरब राष्ट्रमा आयोजना हुन लागेको हो । यस पटक फिफा विश्वकपको इतिहासमा पहिले नभएका यस्ता धेरै कुरा छन्, जसबारे यहाँ चर्चा गर्न गइरहेका छौं ।

अर्ध स्वचालित अफसाइड प्रविधि

कतारमा सन् २०२२ मा हुने फिफा विश्वकपमा पहिलो पटक सेमी अटोमेटेड अफसाइड प्रविधिको प्रयोग हुने भएको छ । फिफा अध्यक्ष जियानी इन्फान्टिनोले भने, ‘अर्धस्वचालित अफसाइड टेक्नोलोजी विश्वभर लागू गरिएको बिएआर प्रणालीको विकास हो।’

सेमी स्वचालित अफसाइड टेक्नोलोजी र जडान गरिएको बल टेक्नोलोजीको कार्यप्रवाहलाई अरब कप २०२१ र क्लब विश्व कप २०२१ लगायत टूर्नामेन्टहरूमा सफलतापूर्वक परीक्षण गरिएको छ। यी खेलहरूको क्रममा, नयाँ प्रविधिले कम समयमा बढी सही निर्णय गर्न मद्दत गरेको पाइएको छ ।

पाँच सब्स्टीट्यूट

कोरोना महामारीपछि प्रत्येक टोलीले तीनको सट्टा पाँच खेलाडी परिवर्तन गर्न पाएको थियो । यो नियम फिफा विश्वकपमा पनि लागू हुनेछ । यो निर्णय अन्तर्राष्ट्रिय फुटबल संघ बोर्डले जूनमा घोषणा गरेको थियो। यो नियम क्लब फुटबलमा व्यापक रूपमा प्रयोग भएको थियो र सबै टोलीका लागि उपयोगी साबित भयो। विश्वकपको समयमा पनि यो नियमले टोलीका प्रशिक्षकलाई नयाँ रणनीति बनाउन मद्दत गर्नेछ ।

प्रत्येक टोलीमा २६ खेलाडी

अहिलेसम्म प्रत्येक टोलीमा जम्मा २३ खेलाडी थिए तर कोरोना महामारीपछि यो संख्या २६ पुगेको छ । यस विश्वकपमा पनि प्रत्येक टोलीमा २६ खेलाडी हुनेछन् । युरोपियन च्याम्पियनसिप र ​​कोपा अमेरिका कपमा पनि प्रति टोली २६ खेलाडी राख्ने अनुमति दिइएको थियो।

महिला रेफ्री

फिफा पुरुष विश्वकपको इतिहासमा पहिलो पटक महिला रेफ्रीले खेल सञ्चालन गर्नेछन् । यस प्रतियोगिताका लागि ३६ रेफ्री छनोट गरिएको छ । तीमध्ये तीन महिलाहरू छन् ( यामाशिता योशिमी, सलिमा मुकानसांगा र स्टेफनी फ्रापार्ट) । यसका साथै नौजा ब्याक, करेन डियाज मेडिना र क्याथरिन नेस्बिट सहायक रेफ्रीको भूमिकामा रहनेछन् ।