काठमाडौं । नेकपा एमालेले आज पार्टीको चुनावी घोषणापत्र सार्वजनिक गर्ने भएको छ ।

मुख्य राजनीतिक दल कांग्रेस र माओवादी केन्द्रपछि एमालेले आफ्नो चुनावी घोषणापत्र सार्वजनिक गर्न लागेको हो ।

एमाले केन्द्रीय सदस्य एवं प्रचार र तथा प्रकाशन विभागका उपप्रमुख विष्णु रिजालका अनुसार होटल याक एन्ड यतिमा मङ्गलबार दिउँसो उक्त घोषणापत्र सार्वजनिक गर्ने तय भएको छ ।

एमालले ‘समृद्ध नेपालः सुखी नेपाली’को सङ्कल्पलाई आत्मसात् गर्दै देशको विकास र समृद्धि नै मूल विषय भएर घोषणापत्र आउने जनाएको छ ।

एमाले अध्यक्ष ओलीको संयोजकत्वमा घोषणापत्र सुझाव समिति बनेको थियो । उक्त समितिले सुझाव सङ्कलन गर्ने कार्य गरिरहेको र उक्त सुझावका आधारमा घोषणापत्र तयार गरिएको एमालले जनाएको छ ।

यसैबीच ओलीले चुनावी घोषणापत्रबारे आजै लाइभ डिबेट गर्ने गर्ने भएका छन् ।

ओलीले सामाजिक सञ्जालमा घोषणापत्रबारे आफूले लाइभ डिबेट गर्न लागेको बताएका छन् ।