काठमाडौं । यू–१५ महिला च्याम्पियनसिप फुटबलमा नेपालले आज बंगलादेशको सामना गर्दैछ ।

खेल बंगलादेशको ढाकामा अपराह्न ४ः१५ बजे सुरु हुनेछ ।

यसअघि जित निकालेको नेपाल र बंगलादेश दुवै शनिबार दोस्रो जितको खोजीमा हुनेछन् । पहिलो खेलमा नेपालले भुटानलाई ७–० र बंगलादेशले भुटानलाई ८–० को गोल अन्तरमा पराजित गरेका थिए ।

बंगलादेश बलियो टिम रहेकाले दोस्रो जित नेपालका लागि त्यही सहज भने छैन ।

नेपाल र बंगलादेश दुवैले ३/३ अंक जोडेका छन् । तर शीर्ष स्थानमा बंगलादेश र दोस्रोमा नेपाल छ । भुटान भने अंकविहीन रहँदै सबैभन्दा तल छ ।