काठमाडौं । इंग्लिस प्रिमियर लिगमा आज पाँच खेल हुने भएका छन् ।

साविक विजेता म्यानचेस्टर सिटी र फुलहमबीच शनिबार प्रतिस्पर्धा हुँदैछ । खेल राति ८ः४५ का लागि तय छ ।

यी दुवै टिम जितको खोजीमा छन् । सिटीले आजको खेलमा फुलहमलाई पराजित गरेमा शीर्ष स्थानमा उक्लनेछ ।

सिटीका स्टार स्ट्राइकर हुन्, अर्लिङ हालाण्ड । उनी भने चोटका कारण आज मैदानमा देखिनेछैनन् । त्यसो त, उनले चोटकै कारण पछिल्ला दुई खेल गुमाएका छन् ।

इंग्लिस प्रिमियर लिगअन्तर्गत नै लिड्स युनाईटेडले बर्नेमाउथको सामना गर्दैछ । नटिङघ फरेस्ट र ब्रेन्टफोर्ड बीचको खेल शनिबारका लागि तय छ । आजै ब्राइटनले उल्भ्सको सामना गर्नेछ ।

अर्को खेलमा एभर्टन र लेस्टर सिटीबीच प्रतिस्पर्धा हुनेछ ।