सिटिजन्स बैंकको ‘सिटिजन्स साथी’ सेवा सुरु
काठमाडौं । सिटिजन्स बैंक इन्टरनेसनलले च्याटबट सेवा ‘सिटिजन्स साथी’को सुरुवात गरेको छ । कम्पनीले आफ्ना सेवाहरु डिजिटलाइज गर्ने कार्यअन्तर्गत ग्राहकहरुका लागि वेबसाइटमार्फत च्याट गर्न मिल्ने च्याटबट सेवाको सुरुवात गरेको हो ।
नवीनतम सेवामार्फत अब ग्राहकहरुले कुनै पनि बैंकिङ सेवाहरूको अनुरोध सिधै च्याटबट सेवा (सिटिजन्स साथी) द्वारा गर्न सक्नेछन् ।
साथै ग्राहकहरुले बैंकिङ सेवा सम्बन्धी जिज्ञासाहरूको लागि यस प्लेटफर्ममार्फत बैंकका एजेन्टसँग प्रत्यक्ष कुराकानी गर्न सक्नेछन् । उक्त सेवा ग्राहकमैत्री हुनुका साथै ग्राहकहरूका लागि अझ सहज, सुरक्षित, सर्वसुलभ, र विश्वास योग्य हुने विश्वास बैंकले लिएको छ ।
सिटिजन्स बैंक इन्टरनेसनल लिमिटेडले देशैभरी फैलिएका आफ्ना १८० वटा शाखा, १३३ वटा एटिएम र ९६ वटा शाखारहित बैंकिङ ईकाईहरुबाट करिव १४ लाख ९० हजार ग्राहकवर्गलाई आधुनिक बैंकिङ सेवाहरु प्रदान गर्दै आएको छ ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया