काठमाडौं । कैलाश राई निर्देशित चलचित्र ‘मनसँग मन’को प्रदर्शन मिति तय गरिएको छ। निर्माण टिमले पोस्टर सार्वजनिक गर्दै चलचित्रको माघ २० गतेदेखि प्रदर्शनमा जनाएका छन् ।

अरुण तामाङले निर्माण गरेको चलचित्रमा अर्जुन पोखरेल र अगोम गुरुङको संगीत, कमल राई र रामजी लामिछानेको कोरियोग्राफी, सौरभ लामाको छायांकन, अर्जुन जीसीको सम्पादन रहेको छ ।

चलचित्रमा पल शाह, पूजा शर्मा, पुष्प खड्का, वर्षा सिवाकोटी, बुद्धि तामाङ, सन्ते दा, चाँदनी प्रधान, महेन्द्र बगदासलगायतका कलाकारको समेत अभिनय रहेको छ ।

यो चलचित्र भारतमा यसअघि नै प्रदर्शन भइसकेको छ। चलचित्रले भारतमा राम्रो प्रतिक्रिया पाएको थियो। भारतमा चलचित्रले राम्रो समथ पाएपछि निमार्ण टिमले चलचित्रलाई पुन: मंसिर २५ गतेबाट दिल्ली, गुजरात, आसाम लगायतका सहरमा प्रदर्शन गर्न लागिएको जनाएको छ ।