काठमाडौं । नेपाली सांगीतिक क्षेत्रका चर्चित जोडी बबिता बानियाँ ‘जेरी’ र शंकर क्षेत्रीबीच सम्बन्धविच्छेद भएको छ । आज बिहीबार काठमाडौं जिल्ला अदालत पुगेर यी दुईले यी दुईको औपचारिक रुपमै सम्बन्धविच्छेद गरेका हुन् ।

सम्बन्धविच्छेदपछि जेरी आफ्नो फेसबुकमार्फत सम्बन्ध टुंगिएको जानकारी दिएकी हुन् । जेरी र शंकरले लामो समय प्रेम सम्बन्धमा रही २०७६ साल माघ १ गते विवाह गरेका थिए । उनीहरुको एक छोरीसमेत छिन् ।