काठमाडौं । टी २० विश्वकप क्रिकेटको फाइनलमा इंग्ल्यान्डले पाकिस्तानविरुद्ध टस जितेर पहिले फिल्डिङ रोजेको छ ।

सेमिफाइलनमा पनि टस जितेर फिल्डिङ रोजेको इंग्ल्यान्डले १६९ रनको लक्ष्य विना विकेट ४ ओभर बाँकी हुँदा नै भेट्याएको थियो ।

मौसमले साथ नदिने आकलन गरिएको फाइनलको आजका मेलबर्नको अहिलेसम्मकाे मौसम सफा रहेको बताइएको छ । लक्ष्य पाएपछि आक्रामक ब्याटिङ गर्दा वर्षाले खेल रोके पनि डिएल मेथडमा फाइदा हुने बुझाई पनि इंग्ल्यान्डको रहेको देखिन्छ ।

भारतविरुद्ध चुनौतीपूर्ण लक्ष्य भेट्याएपछि इंग्ल्यान्डले पाकिस्तानविरुद्ध पहिले बलिङ रोजेको हो । दोस्रो इनिङमा ब्याटिङ गर्दा बल ब्याटमा आउने हुँदा पनि इंग्ल्यान्डले यस्तो निर्णय गरेको हुन सक्छ ।

पाकिस्तानका लागि कप्तान बाबर आजम र मोहम्मन रिजवानले ओपनिङ गर्नेछन् ।

यी दुईले पावरप्लेको ६ ओभरमा ६० रन कटाउन सके । पाकिस्तानले १८० माथिको चुनौती नदिएसम्म इंग्ल्यान्डलाई जित्न गाह्रो पर्ने देखिन्छ ।