काठमाडौं । युएईले नेपाललाई १९२ नको लक्ष्य दिएको छ । पहिलो खेलमा ८४ रनको फराकिलो अन्तरले पराजित गरेको युएईले नेपाललाई दोस्रो खेलमा भने १९२ रनको लक्ष्य दिएको हो ।

पहिलो खेलमा युएईले २६४ रनको लक्ष्य दिएको थियो ।  तर दोस्रो खेलमा नेपाली बलरहरूले उत्कृष्ट प्रदर्शन गर्दा नेपाललाई युएईले मध्यम चुनौती पेश गरेको हो ।

नेपालको लागि सोमपाल कामी र ललित राजवंशीले तीन–तीन विकेट लिए । कामीले ७.२ ओभरमा ३५ रन दिएर ३ विकेट लिए । राजवंशीले १० ओभरमा ४१ रन दिएर तीन विकेट लिए । करण केसी, गुल्सन झा, दीपेन्द्रसिंह ऐरी र कुशल भुर्तेलले समान एकएक विकेट लिए ।

युएईका लागि महम्मद वसिमले ५०, एलिसन सराफुले ३५, भ्रित्य अरविन्दले २५, बासिल हमिदले २४ रनको योगदान दिए ।

तीनमध्ये आज दोस्रो एकदिवसीय खेल कीर्तिपुरस्थित मैदानमा भइरहेको हो ।