काठमाडौं । बिहीबार घटेको सुनको मूल्यमा शुक्रबार सामान्य बढेको छ । सुनचाँदी बजारमा शुक्रबार छापावाल सुनको मूल्य एक सय रूपैयाँ बढेर ९८ हजार एक सय रूपैयाँमा कारोबार भइरहेको छ ।

बिहीबार छापावाल सुन प्रतितोला ९८ हजार रूपैयाँमा कारोबार भएको हो ।

नेपाल सुनचाँदी व्यवसायी महासंघले सार्वजनिक गरेको विवरणानुसार आज तेजाबी सुनको मूल्य प्रतितोला ९७ हजार ६ सय छ ।

त्यस्तै आज चाँदीको मूल्य तोलामा ५ रूपैयाँ घटेको छ । आज चाँदी तोलामा एक हजार २८० रूपैयाँमा कारोबार भइरहेको छ ।

बिहीबार चाँदी प्रतितोला एक हजार दुई सय ८५ रूपैयाँ तोकिएको थियो । महासंघले अन्तर्राष्ट्रिय बजारको सुन तथा चाँदीका कारोबार मूल्यका आधारमा यहाँ दैनिक मूल्य तोक्दै आएको छ ।