काठमाडौं । सत्ता गठबन्धन र एमालेका कार्यकर्ताबीच झडप हुँदा ताप्लेजुङको आठराई त्रिवेणी गाउँपालिकाको केन्द्र फूलबारीमा मतदान स्थगित भएको छ ।

दुईपक्षबीचको विवादका कारण मतदान स्थगित गरिएको हो । दिउँसो ३ बाट अवरुद्ध भएको मतदान पुनः सुचारु गर्न दुईपक्षीबीच सहमतिको प्रयास भइरहेको प्रमुख जिल्ला अधिकारी मशेशकुमार पोखरेलले जानकारी दिए ।

विवादको स्थिति नियन्त्रणमा लिन प्रहरीले हवाइ फायरसमेत गरेको थियो । दिउँसो ३ बजेसम्म करिब ४० प्रतिशत मत खसेको मतदान अधिकृतको कार्यालयले जनाएको छ ।