काठमाडौं । विश्वकप फुटबलको महासंग्राम आज रातिदेखि सुरु हुँदैछ । विश्वकै सबैभन्दा प्रतिष्ठित र चर्चित खेल मेला यसपटक मध्य एसियाली देश कतारमा सुरु हुन लागेको हो । नेपाली समय अनुसार आज राति पौने १० बजे यो महासंग्राम सुरु हुनेछ ।

पहिलो खेलमा आयोजक कतार र इक्वेडर आमनेसामने हुँदैछन् । यी दुवै टोली समूह एमा छन् । उद्घाटन खेल ६० हजार दर्शकको क्षमता रहेको बायत स्टेडियममा हुँदैछ । ८ समूह प्रत्येकमा चारचार टोली छन् । प्रत्येक समूहबाट शीर्ष दुईदुई टोली अन्तिम १६ मा जानेछन् भने १६ टोली घर फर्किनेछन् । प्रतियाेगितामा समूह चरणमा ४८ र नकआउट चरणमा १६ गरी ६४ खेल हुनेछन् । प्रत्येक समूहमा समूह चरणका ६ खेल हुन्छन् ।

२१ संस्करणमा कसले जिते ?

२१ वटा संस्करणसम्म आइपुग्दा ८ वटा देशले मात्रै विश्वकप जितेका छन् । ब्राजिलले ५ पटक, जर्मनी र इटालीले चारचारपटक, अर्जेन्टिना, फ्रान्स र उरुग्वेले २\२ पटक, स्पेन र इंग्ल्यान्न्डले एकएकपटक विश्वकप जितेका छन् ।

यसपटक को छन् दाबेदार ?

यसपटक पनि पहिले जस्तै ब्राजिल, अर्जेन्टिना, फ्रान्स, जर्मनी, इंग्ल्यान्ड मुख्य दाबेदार छन् । पोर्चुगल, बेल्जियम र नेदरल्यान्डस्लाई पनि यसपटक दाबेदारमा राखिएको छ ।

कुन समूहमा कुन टोली छन् ?

समूह ए

कतार, इक्वेडर, सेनेगल र नेदरल्यान्डस्

समूह बी

इंग्ल्यान्ड, इरान, अमेरिका र वेल्स

समूह सी

अर्जेन्टिना, साउदी अरेबिया, मेक्सिको र पोल्यान्ड

समूह डी

फ्रान्स, अष्ट्रेलिया, डेनमार्क र ट्युनिसिया

ग्रुप इ

स्पेन, कोस्टारिका, जर्मनी र जापान

समूह एफ

बेल्जियम, क्यानडा, मोरक्को र क्रोएसिया

ग्रुप जी

ब्राजिल, सर्विया, स्वीटजरयान्ड र क्यामरुन

समूह एच

पोर्चुगल, घाना, उरुग्वे, साउथ कोरिया

यस्तो छ खेलतालिका : नेपाली समयअनुसार