काठमाडौं । नेकपा एमालेले गोरखा– १ र २ नम्बर क्षेत्रमा सत्ता गठबन्धनले निर्वाचनमा धाँधली गरेको आरोप लगाउँदै पुनः मतदान गर्न आग्रह गरेको छ ।

आइतबार राति एक विज्ञप्ति जारी गर्दै अपवित्र गठबन्धनले मृत्तक र अनुपस्थितका नामबाट मतदान भएको, अन्य उम्मेदवारका प्रतिनिधिमाथि हातपात गरेको आरोप लागाएको हो । १ र २ का विभिन्न मतदान केन्द्रमा निर्वाचन विरोधी गतिविधिको घोर भत्सर्ना गरेको छ ।

विन्द्रवती मावि, भीमसेन थापा मसेल–१, आरुघाट गाउँपालिका मान्चु–१, सरस्वती आधारभूत मावि सिरानचोक हर्नी, हिमालय मावि बारपाक, सुदलिकोट गाउँपालिका सौरपानी, सूर्यज्योति मावि बारपाक, सुलिकोट ताकु, पार्वती आधारभूत विद्यालय, धार्चे गाउँपालिका उहिया लगायत केन्द्रमा फेरी मतदान गर्न माग गरेको हो ।