काठमाडौं । गुल्मी-१ को एक केन्द्रमा प्रतिनिधिसभा र प्रदेशसभाको प्रत्यक्षतर्फको मतपत्र अदलबदल भएपछि स्थगित मतदान मंगलबार हुने भएको छ ।

कालिगण्डकी गाउँपालिका–२ अर्बेनीमा रहेको भगवती माध्यमिक विद्यालयको ‘क’ केन्द्रमा स्थगित मतदान मंगलबार हुने भएको हो ।

निर्वाचन प्रक्रिया चलिरहेको समयमा प्रतिनिधिसभाको प्रत्यक्षतर्फको मतपत्र दिने ठाउँमा प्रदेशसभाको प्रत्यक्षतर्फको मतपत्र परेपछि निर्वाचन स्थगित भएको थियो ।

त्यस केन्द्रमा करिब ६० प्रतिशत मत खसेको अनुमान गरिएको छ । गुल्मी–१ एमालेका प्रदीपकुमार ज्ञवाली र कांग्रेसका डा. चन्द्र भण्डारी मुख्य प्रतिस्पर्धी छन् ।