काठमाडौं । दाङ क्षेत्र नं. २ को मतगणनामा सुरुदेखि नै पछि पर्दै आइरहेका एमाले उम्मेदवार शंकर पोखरेलले मतगणना करिब अन्तिम चरणमा पुग्दा मतान्तर घटाएका छन् ।

दाङ–२ मा ७० हजार १०९ मतगणना हुँदा माओवादी केन्द्रकी रेखा शर्माले २४ हजार ७२ मत हासिल गरेकी छन् । पोखरेल अहिले शर्माभन्दा मात्रै ३१७ मतले पछाडि छन् । उनले अहिलेसम्म २३ हजार ७५५ मत बटुलेका छन् ।

यसअघि सार्वजनिक मत परिणाममा पोखरेल १५०० बढी मतले पछाडि पर्दै आइरहेका थिए ।

तेस्रो स्थानमा रहेर प्रतिस्पर्धा गरिरहेका राष्ट्रिय स्वतन्त्र पार्टीका विशाल अधिकारीले १४ हजार ७११ मत पाएका छन् ।