काठमाडौं । एकीकृत समाजवादीका अध्यक्ष माधवकुमार नेपालले वाम गठबन्धन गरेर सरकार बनाउने सम्भावना नभएको बताएका छन् ।

मंगलबार पार्टी कार्यालयमा बसेको सचिवालय बैठकपछि सञ्चारकर्मीसँग कुराकानी गर्दै वर्तमान सत्ता गठबन्धनबाट नै सरकार बन्ने जिकिर गरे ।

‘अहिलेकै गठबन्धन दलहरूबीचबाट सरकार बन्नेछ’, उनले भने, ‘वाम गठबन्धन गरेर सरकार बन्ने सम्भावना म देख्दिनँ ।’

अब को प्रधानमन्त्री बन्ने भन्नेबारे अहिले नै गठबन्धनभित्र छलफल भइनसकेको उनले बताए। अन्तिम मतपरिणाम नआइसकेकाले अहिल्यै नै सरकार बनाउनेमा निष्कर्षमा पुग्नु हतार हुने उनको भनाइ थियो ।