सुनसरी । इनरुवा नगरपालिकाले अतिक्रमण गरिएको सडकपेटी खाली गर्न सुरु गरेको छ ।

पटक पटकको सार्वजनिक सूचना अटेर गरिएपछि इनरुवा नगपालिकाको कार्यालयले आजबाट अतिक्रमित सडकपेटी खाली गराउन थालेको हो ।

३५ दिने र अन्तिम पटकको ३ दिन सूचना जारी गर्दा समेत सडकपेटी खाली नगरिएपछि स्वयं नगर प्रमुख केदार भण्डारी डोजर लिएर सडकमा निस्किएका छन् ।

नगर प्रहरीका साथै सुरक्षा निकायको रोहबरमा नगर प्रमुखले सडकपेटी खाली गराउने कार्यलाई अघि बढाएका हुन ।

व्यापारी र केही स्थानीयको अवरोधका बाबजुत नगरपालिकाको टोलीले अतिक्रमण गरिएको सडकपेटी र सडकमा बनाइएका टहरा हटाउन थालेको हो ।

पटक पटकको सुचनालाई व्यापारीले वेवास्ता गरे पछि आफैँ एक्सनमा उत्रन बाध्य भएको नगर प्रमुख केदार भण्डारीले बताए ।