काठमाडाैं । निर्वाचन आयोगले भोलि (विहिबार ) राष्ट्रपतिलाई निर्वाचन परिणामको प्रतिवेदन बुझाउने भएको छ । प्रमुख आयुक्त दिनेश कुमार थपलियाले पत्रकार सम्मेलन मार्फत निर्वाचन परिणामको अन्तिम प्रतिवेदन राष्ट्रपति समक्ष भोलि पेश गर्न लागेको बताएका हुन ।

भोलि नै समानुपातिक तर्फका सांसदहरूलाई प्रमाणपत्र वितरण गरिने छ । अन्तिम परिणाम घोषणासँगै नयाँ सरकार गठनको औचापरिक बाटा पनि खुल्नेछ ।

संविधानको धारा ७६ (३) मा ३० दिनभित्र नयाँ सरकार बन्नुपर्ने व्यवस्था छ । आयोगले सार्वजनिक गरेको अन्तिम परिणामअनुसार अहिले कुनै दलको बहुमत नआएकाले धारा ७६(२) अनुसार दुई वा दुईभन्दा बढी दलको गठबन्धन सरकार बन्ने देखिन्छ ।

बहुमत पुगेको कुनै पार्टीको संसदीय दलको नेताले राष्ट्रपतिसमक्ष प्रधानमन्त्रीमा दाबी पेस गर्नुपर्छ । राष्ट्रपतिले नियुक्त गरिसकेपछि प्रधानमन्त्रीले एक महिनाभित्र प्रतिनिधिसभामा विश्वासको मत लिनुपर्छ । विश्वासको मत पाएपछि दुई वर्षसम्म अविश्वासको प्रस्ताव ल्याउन नपाइने संवैधानिक व्यवस्था छ ।