डोटी । जिल्ला अस्पताल डोटीले अस्पतालबाट दिने सेवालाई सुधार गर्दै लगेको छ । हिजोआज अस्पतालमा नै अक्सिजन प्लान्ट जडान गरिएको छ । बिरामीको सहजताका लागि टोकन प्रणाली लागु गरेपछि सेवाग्राहीलाई सहज पनि भएको छ ।

टिकट काउन्टरमा नाम दर्ता गरिसकेपछि सेवाग्राहीले ओ.पी.डी.मा डाक्टर भेट्न मेसिनबाट टोकन लिनु पर्छ । यसो गर्दा भिडभाड कम हुने तथा व्यवस्थित तवरले जाँच गर्न पाइएको बिरामीहरूको भनाइ छ । अस्पतालको सरसफाइ र अन्य विषय पनि विस्तारै सुधार हुँदै गएको सेवाग्राही सन्तोष नेपालीले बताए ।

हाल अस्पतालमा तीन जना एमडी र ६ जना एमबीबीएस गरि नौ जना डाक्टरले सेवा दिइरहेका छन् । अस्पतालमा दैनिक एक सयदेखि डेढ सय जनासम्म विरामी उपचारका लागि आउने गरेका छन् । अस्पतालको लागि प्रदेश सरकारको लगानीमा दुई ओटा नयाँ भवन पनि निर्माण भइरहेको छ ।