काठमाडाैं । गठबन्धन जोगाउनु नै अहिलेको प्रमुख एजेन्डा र आवश्यकता भएको नेपाली कांग्रेसका नेता ज्ञानेन्द्रबहादुर कार्कीले बताएका छन् ।

कांग्रेस, माओवादी केन्द्र र एकीकृत समाजवादीका शीर्ष नेताहरुको छलफलपछि संचारकर्मीसँग कुरा गर्दै कार्कीले अहिलेको आवश्यकता भनेकै गठबन्धन जोगाउनु भएको बताए ।

प्रधामन्त्रीले निरन्तर छलफल गरिरहेको र बेलुका सम्ममा छलफल टुंगो लाग्ने नेता कार्कीको भनाइ छ ।

यस अघिका प्रयासहरु पनि सबै अन्तिम समयमा सफल भएको बताउँदै नेता कार्कीले यसपटक पनि अन्तिम समयमा सहमति हुने जिकिर गरे ।