काठमाडाैं । रेशम चौधरी रिहाइ नभएसम्म नागरिक उन्मुक्ति पार्टी सरकारमा नजाने भएको छ । हिजो प्रधानमन्त्रीमा माओवादी केन्द्रका अध्यक्ष पुष्पकमल दाहाल ‘प्रचण्ड’लाई समर्थन गरेको पार्टीले आज सरकारमा नजाने बताएको हो ।

प्रचण्ड नेतृत्वको सरकारलाई पार्टीले समर्थन गरेपनि तत्कालै सरकारमा जाने कुनै इच्छा नभएको पार्टी अध्यक्ष रञ्जिता श्रेष्ठ चाैधरीले बताएकी छन् ।

थारुहट आन्दोलनका बेला २०७२ भदौमा टिकापुरमा भएको थारुहट आन्दोलनमा नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित ८ सुरक्षाकर्मीको ज्यान गएको घटनामा रेशम चौधरीलाई जिल्ला अदालत टीकापुरले दोषी ठहर गर्दै जन्मकैदको फैसला सुनाएको थियो ।

त्यसपश्चात पार्टीले आफ्ना संस्थापक नेता चौधरीको ससम्मान रिहाइको माग गर्दै आएको छ ।

चौधरी पार्टीका संस्थापक नेता हुन् ।