एक एसपीलाई बर्खास्त र एक डिएसपीलाई निलम्बनको सिफारिस
काठमाडौं । नेपाल प्रहरीले एक प्रहरी अधिकृतलाई बर्खास्त र अर्कालाई निलम्बन गर्न सिफारिस गरेको छ ।
प्रहरी प्रधान कार्यालयले एसपी रामेश्वरप्रसाद यादवलाई बर्खास्त र डिएसपी ठगबहादुर केसीलाई निलम्बन गर्न सिफारिस गरेको हो ।
सर्वोच्च अदालतबाट भ्रष्टाचार मुद्दामा दोषी ठहर भएपछि यादवलाई सेवाबाट बर्खास्त गर्न सिफारिस गरिएको हो । प्रहरी नियमावलीअनुसार, कुनै पनि प्रहरीमाथि भ्रष्टाचारलगायतका अभियोग अदालतबाट पुष्टि भएपछि सेवामा रहन मिल्दैन ।
डिएसपी केसीमाथि इलाका प्रहरी कार्यालय, बुटवलमा छँदा पदीय दुरूपयोग गरेर भ्रष्टाचारजन्य काम गरेको आरोप छ । आरोपपछि प्रहरी प्रधान कार्यालयले उनको घरमा छापा मारेको थियो । जसक्रममा उनको निवासबाट स्रोत नखुलेका सुन र पैसासमेत बरामद भएको थियो ।
डिएसपी केसीलाई निलम्बनका लागि पत्राचार गरिएको प्रहरी प्रवक्ता टेकप्रसाद राईले बताए ।
ताजा अपडेट
-
संस्थागत विद्यालयलाई शुल्कसम्बन्धी मापदण्ड पालना गराइँदै
-
लगानी सम्मेलन : रारामा रिसोर्ट निर्माण गर्न अस्ट्रेलियन लगानी भित्रियो
-
धनुषामा पानीको अभाव भएपछि दमकलले पानी वितरण गरिँदै
-
महोत्तरीका आगलागी पीडितलाई काठमाडौं महानगरको १० लाख सहयोग
-
बझाङ उपनिर्वाचन : एमालेका भण्डारी विजयी
प्रतिक्रिया