काठमाडौं । नेपाली सुनचाँदी बजारमा आज छापावाल सुनको मूल्य स्थिर छ ।

नेपाल सुनचाँदी व्यवसायी महासंघका अनुसार आज सुनको मूल्य आइतबारकै मूल्य प्रतितोला एक लाख १७ सय रूपैयाँमा कारोबार भइरहेको हो ।

महासंघले सार्वजनिक गरेको विवरणअनुसार आज तेजाबी सुनको मूल्य पनि आइतबारकै मूल्य प्रतितोला एक लाख १२ सय रूपैयाँ छ । त्यस्तै चाँदीको मूल्यसमेत स्थिर छ । आज चाँदी आइतबारकै मूल्य एक हजार चार सय रूपैयाँ कायम रहेको महासंघले जनाएको छ ।

महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।