काठमाडौं । सत्ता गठबन्धन दलहरूले सरकारको न्यूनतम तथा साझा कार्यक्रम मस्यौदा तयार गरेको छ ।

शुक्रबार अर्थमन्त्रीसमेत रहेका कार्यदलका संयोजक विष्णु पौडेलको नेतृत्वमा अर्थमन्त्रालयमा बसेको बैठकले मस्यौदा टुंगो लगाएको सदस्य वर्षमान पुनले जानकारी दिए ।

‘सरकारको न्यूनतम तथा साझा कार्यक्रम कार्यदलस्तरमा टुंगो लागेको छ । मस्यौदालाई शीर्ष तहका नेताहरूले अन्तिम रूप दिएपछि शनिबार सार्वजनिक गर्छौं’, पुनले भने ।

१४ पुसमा बसेको शीर्ष नेताहरूको बैठकले पौडेलको नेतृत्वमा सरकारको न्यूनतम तथा साझा कार्यक्रम मस्यौदा समिति गठन गर्ने निर्णय गरेको थियो ।

पौडेलको नेतृत्वमा ७ दलबाट एक/एक जना प्रतिनिधि समावेश गरेर न्यूनतम साझा कार्यक्रमको मस्यौदा तयार पारेका हुन्।

बैठकमा माओवादीबाट पुन, रास्वपाबाट मुकुल ढकाल, राप्रपाबाट धबलशमशेर राणा र जसपाबाट रकम चेमजोङ सहभागी भएका थिए । मस्यौता प्रतिवेदन शीर्ष नेतालाई बुझाउने तयारी भएको पुनले बताए ।