काठमाडौं । इन्डोनेसियामा ७.७ म्याग्निच्युटको भूकम्प गएको छ । इन्डोनेसियाको टनिम्बर क्षेत्र केन्द्रबिन्दु भएर मंगलबार बिहान ७.७ म्याग्निच्युटको भूकम्प गएको हो ।

भूकम्पले पुर्याएको क्षतिबारे विस्तृत विवरण आउन बाँकी छ ।

भूकम्पपछि निरन्तर परकम्प गइरहेका छन् । यसबाट थप क्षति हुनसक्ने भन्दै भूगर्भविदहरूले सतर्क रहन सुझाएका छन् ।

सुनामीको खतरा रहेको भन्दै नागरिकहरूलाई सतर्क रहन भनिएको छ ।

इन्डोनेसिया भूकम्पको चपेटामा पर्दै आएको छ । यसअघि गत नोभेम्बरमा जाभा प्रान्त भएर ५.६ म्याग्निच्युटको भूकम्प जाँदा ३१८ जनाको मृत्यु भएको थियो । घटनामा ६२ हजार भन्दा धेरै व्यक्तिहरु विस्थापित भएका थिए ।