काठमाडौं । साताको अन्तिम दिन शुक्रबार सुनचाँदी बजारमा आज छापावाल सुनको मूल्य अघिल्लो कारोबारका तुलनामा ५ सय रूपैयाँले उकालो लागेको छ । आज छापावाल सुनको मूल्य प्रतितोला एक लाख तीन हजार ९ सय रूपैयाँमा कारोबार भइरहेको छ ।

बिहिबार छापावल सुन एक लाख तीन हजार ४ सय रूपैयाँमा कारोबार भइरहेको छ ।

नेपाल सुनचाँदी व्यवसायी महासंघले सार्वजनिक गरेको विवरणअनुसार बिहीबार एक लाख २९ सय रूपैयाँ कायम भएको तेजावी सुनको मूल्य शुक्रबार एक लाख ३४ सय रूपैयाँमा कारोबार भइरहेको छ ।

त्यस्तै आज चाँदीको मूल्य ५ रूपैयाँ बढेर एक हजार तीन सय ६५ रूपैयाँ तोकिएको महासंघले जनाएको छ ।

महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।