काठमाडौं । सहिद स्मारक ‘ए’ डिभिजन लिग क्लब थ्री स्टारले मुख्य प्रशिक्षकमा मेघराज केसीलाई नियुक्त गरेको छ ।

केसीलाई मंगलबार मुख्य प्रशिक्षकमा नियुक्त गरिएको थ्री स्टार क्लबले जनाएको छ ।

नयाँ सिजनको ‘ए’ डिभिजन लिग नजिकिदै छ । त्यसैलाई लक्ष्य गरेर थ्री स्टारले केसीलाई मुख्य प्रशिक्षक नियुक्त गरेको हो ।

थ्री स्टारको विशेष आग्रहमा सम्झौता गरेको केसीले बताए ।

नयाँ सिजनको ‘ए’ डिभिजन लिग आगामी ११ फागुनबाट सुरु हुँदैछ ।

घरेलु फुटबलका हाइप्रोफाइल प्रशिक्षक केसी अघिल्लो सिजनमा सातदोबाटो युथ क्लबमा आबद्ध थिए ।

यसैबीच, थ्री स्टारले गोलकिपर प्रशिक्षक पनि नियुक्त गरेको छ । क्लबले उज्ज्वल मानन्धरलाई गोलकिपर प्रशिक्षक नियुक्त गरेको हो ।