काठमाडौं । रवि लामिछानेले कानुन बमोजिम प्रक्रिया पुरा गरी नेपाली नागरिकता लिएका छन् । शुक्रबार सर्वोच्च अदालतले कानुन बामोजिम रविले नागरिकता प्राप्तिका लागि प्रक्रिया पुरा नगरेको निष्कर्ष निकाल्दै सांसद र उपप्रधानमन्त्री पदमा रहन नसक्ने फैसला गरेको थियो ।

सर्वोच्चको उत्प्रेरणा आदेशबाट संवैधानिक पद सबै गुमाएपछि उनले आइतरबार जिल्ला प्रशासन कार्यालय काठमाडौंमा पुगेर नागरिकता लिएका हुन् । रविले अमेरिकी नागरिकता त्यागेपनि नेपालको नागरिकता लिन प्रक्रिया पुरा नगरेकोले उनको सांसद पद खारेज गर्नुपर्ने माग दावीसहित कानुन व्यवसायीले सर्वोच्चमा रिट दायर गरेका थिए । मंसिर ४ मा भएको प्रतिनिधिसभा निर्वाचनमा रवि चितवन–२ बाट अत्याधिक मतसहित निर्वाचित भएका थिए ।

११ पुसमा प्रचण्ड नेतृत्वको सरकारमा उनी उपप्रधान तथा गृहमन्त्री भएका थिए । नागरिकता लिएपछि रविले उपनिर्वाचनमा भाग लिन पाउने छन् ।