NepalWatch

News Portal For Eeverything In Nepal from Nepal

२०८१ वैशाख २ गते

बालेनले किन भेटे प्रचण्ड ?

काठमाडौं । काठमाडौं महानगरपालिकाका मेयर बालेन शाहले प्रधानमन्त्री पुष्पकमल दाहाललाई भेटेका छन् ।

प्रधानमन्त्रीनिवास बालुवाटार पुगेर सोमबार बिहान मेयर साहले प्रधानमन्त्री प्रचण्डसँग भेट गरेका हुन् ।

दुईबीच झण्डै आधा घण्टा  छलफल  भएको प्रधानमन्त्रीको सचिवालयले जनाएको छ । भेटवार्ताको विषयबारे भने केही नबाइए पनि सार्वजनिक स्थान कब्जा गरेर बनाइएका अवैध संरचना हटाउन उनले प्रधानमन्त्रीसँग साथ मागेको बताइएको छ ।

बालेनले यसअघि तत्कालीन उपप्रधान तथा गृह मन्त्री रवि लामिछानेसँग पनि यस्तै सहयोग मागेका थिए ।

बालेनले सार्वजनिक जग्गा कब्जा गरी बनाइएका तथा नक्सापासबिना खडा गरिएका संरचना हटाउन सुरु गरेपछि उनीविरुद्धका आवाज चर्को सुनिन थालेको छ । नयाँ आसाको सञ्चार गराएर मेयरमा विजयी भए पनि पुरानै शासकको निरंकुश शैली अपनाएको आरोप उनीमाथि छ । साथै प्रश्नबाट भागेको गुनासो पनि बढेको छ ।

आइतबार मात्रै उनीविरुद्ध काठमाडौंको माइतीघर मण्डलामा प्रदर्शन भएको थियो । यो बालेनविरुद्ध संगठित रूपमा भएको पहिलो विरोध कार्यक्रम हो ।