७ महिनामै गटुसोले छाडे भ्यालेन्सिया

विश्वकप फुटबलको फाइनल एनटीभी प्लसबाट निःशुल्क प्रत्यक्ष प्रसारण हुने

नेपालवाच २०७९ माघ १७ गते ९:२०

काठमाडौं । स्पेनिस क्लब भ्यालेन्सियाका मुख्य प्रशिक्षक गेनारो गटुसोले पद त्याग गरेका छन् ।

गटुसो ७ महिनाअघि भ्यालेन्सियाको मुख्य प्रशिक्षक नियुक्त भएका थिए । २ वर्षका लागि नियुक्त उनी छोटो समयमा नै त्यहाँबाट अलग भएका हुन् ।

उनले नेतृत्व सम्हालेपछि ला लिगामा भ्यालेन्सियाले खराब प्रदर्शन गरेको छ । १८ लिग खेलमध्ये ८ मा हार व्यहोरेर १४ औं स्थानमा सीमित भएको छ । यही खराब प्रदर्शनका कारण उनले पद त्यागेका हुन् । उनले समझदारीमै भ्यालेन्सियाबाट अलग हुने निर्णय लिएको बताइएको छ ।