काठमाडौं । न्युकासल युनाइटेड काराबाओ कप फुटबलको फाइनलमा प्रवेश गर्न सफल भएको छ । २४ वर्षपछि पहिलो पटक न्युकासलले घरेलु कप फुटबलको फाइनलमा यात्रा तय गरेको हो ।

मंगलबार राति सम्पन्न सेमिफाइनल खेलमा साउथह्याम्पटनलाई २–१ ले हराउँदै न्युकासल फाइनलमा पुगेको हो । उसले साउथह्याम्पटनमाथि समग्रमा ३–१ को जित निकाल्यो ।

सिन लङस्टाफले खेलको पाँचौं मिनेटमा गोल गर्दै न्युकासललाई अग्रता दिलाएकोमा २१ औं मिनेटमा लङस्टाफले अर्को गोल गरेर अग्रता दोब्बर बनाए ।

साउथह्याम्पटनका चे एडम्सले २९ औं मिनेटमा एक गोल गरे । तर थप गोल गर्न नसकेपछि न्युकासलको पोल्टामा जित पर्यो ।

यसैबीच, ८२ औं मिनेटमा न्युकासल १० खेलाडीमा सीमित हुन पुगेको थियो । ब्रुनो गुइमारेसले रातो कार्ड पाएपछि न्युकासल १० औं खेलाडीमा समेटिएके हो ।

योसँगै न्युकासल सन् १९९९ पछि पहिलो पटक घरेलु कप फुटबलको फाइनलमा पुग्न सफल भएको छ ।