काठमाडौं । बालाजुको माछापोखरी क्षेत्रमा सवारी आवगमन ठप्प भएको छ ।

यातायात व्यवसायीहरूले सडकमा टायर बालेर प्रदर्शन गरिरहेका कारण सवारी आवगमन बन्द भएको हो ।

विभिन्न मागसहित यातायात व्यवसायीहरूले सडकमा सवारी तेस्राएर आवगमन ठप्प पार्दा सर्वसाधरणले सास्ती भोग्नुपरेको छ ।

सवारी नियम उल्लंघनको दस्तुर एक हजार पाँच सय रूपैयाँ पुर्याइएको र पाँचपटकसम्म कारवाहीमा परे लाइसेन्स खारेज हुने नियमको विरूद्धमा व्यवसायीले आन्दोलन गरेका हुन् ।