काठमाडौं । भारतीय आयल कर्पोरेसन (आईओसी) ले नेपाल आयल निगमलाई नयाँ मूल्य सूची पठाएको छ । प्राप्त नयाँ मूल्यअनुसार भारतले पेट्रोलको मूल्य प्रतिलिटर १ रुपैयाँ ९७ पैसा घटाएर पठाएको छ ।

निगमका अनुसार आईओसीले डिजेलको मूल्य ६ रूपैयाँ ४० पैसा घटाएर पठाएको छ ।

यसभन्दा अघि आईओसीले पेट्रोल र डिजेलको को मूल्य बढाएर पठाएको थियो । त्यसपछि निगमले पनि पेट्रोल र डिजेलको मूल्य  ३/३ रूपैयाँले बढाएको थियो ।

आईओसीले नयाँ मूल्य घटाएर पठाएपनि निगमले मूल्य समयोजनबारे केही निर्णय गरेको छैन । निगमका अनुसार निगमले आईओसीलाई अझै भुक्तानी गर्न बाँकी रकम १६ अर्ब ३० करोड रूपैयाँ रहेको छ ।

हाल पेट्रोलको मूल्य प्रतिलिटर १७८ रूपैयाँ र डिजेल १७५ रूपैयाँ रहेको छ ।