एजेन्सी । बलिउडको बहुप्रतिक्षित फिल्म ‘हेरा फेरी ३’ को छायांकन सुरू भएको छ ।

फिल्मका मुख्य पात्र अभिनेता अक्षय कुमारले यसअघि फिल्ममा काम नगर्ने समाचारले उदार भएका फ्यानहरू अब उनको ‘इन्ट्री’ ले उत्साहित बनेका छन् । अर्थात्, अक्षयलाई लिएर फिल्म छायांकनमा गइसकेको बलिउड सञ्चारमाध्यमले जनाएका छन् ।

यो फिल्ममा फेरि एकपटक अक्षय कुमार, परेश रावल र सुनिल शेट्टीलाई पर्दामा एकसाथ हेर्नका लागि दर्शकहरू प्रतिक्षामा छन् ।

निर्माण पक्षले चलचित्रको छायांकन सुरु गरिसकेको बताएको छ ।

हेराफेरीको यो भाग फरहाद सामजीले निर्देशन गर्नेछन् ।

केही महिनाअघि अक्षयले एक अन्तर्वार्तामा आफूलाई फिल्मको स्क्रिप्ट मन नपरेको बताएका थिए । यति हुँदाहुँदै पनि फ्यानहरूले उनलाई

हेराफेरी ३ साइन गर्न बारम्बार आग्रह गरिरहेका थिए ।

उनलाई हेराफेरी ३ मा फर्काउनका लागि सामाजिक सञ्जालमा पनि निकै ट्रेन्ड देखिएको थियो । त्यसपछि अक्षयलाई फिल्ममा रिप्लेस गरिएको

भनिएको छ । यद्यपी यसबारे आधिकारिक घोषणा भने भइसकेको छैन ।