काठमाडौं । सत्तारूढ दल नेकपा एमाले सरकारमा सहभागी भएको ६३ दिनमा बाहिरिएको छ । सोमबार बिहान बसेको एमालेको सचिवालय बैठकले सरकारलाई दिएको समर्थनसमेत फिर्ता लिएको छ ।

एमाले सरकारबाट बाहिरिएसँगै प्रचण्ड नेतृत्वको सरकारलाई कांग्रेसले टेको दिनुपर्ने अवस्था आएको छ । संविधान अनुसार प्रधानमन्त्रीले तीस दिनभित्र विश्वासको मत लिनुपर्ने हुन्छ ।

१० पुसमा एमालेसहित ७ दलको समर्थनमा पुष्पकलम दाहाल प्रचण्ड प्रधानमन्त्री भएका थिए । प्रचण्ड प्रधानमन्त्री नियुक्त हुँदा १६९ सांसदको समर्थन थियो । तर एमालेले समर्थन फिर्ता कांग्रेस, नेकपा एस र लोसपा लगायत ८ दलको समर्थन कायमै रहेकाले प्रचण्ड सरकारले बहुमत गुमाएको छैन ।

यसअघि राप्रपाले सरकारलाई दिएको समर्थन फिर्ता लिइसकेको छ । प्रचण्डले पूर्वसहमति तोड्दै कांग्रेससँग समीकरण बनाएपछि सत्ता गठबन्धन भत्किएको हो । सत्ता साझेदार दले रास्वपाले पनि सरकारलाई दिएको समर्थन फिर्ता लिनेबारे निर्णय लिने तयारी गरेको छ ।