राष्ट्रपति र उपराष्ट्रपति निर्वाचनको आचारसंहिता लागू

लुम्बिनी प्रदेशमा मन्त्रिपरिषद् पुनर्गठन: पाँच नयाँ मन्त्री थपिए, जेठ २५ गते शपथ

राष्ट्रपति र उपराष्ट्रपति निर्वाचनको आचारसंहिता लागू

नेपालवाच २०७९ फागुन १७ गते ८:१५

काठमाडौं । यही फागुन २५ र चैत ३ का लागि तय राष्ट्रपति तथा उपराष्ट्रपति निर्वाचनको आचारसंहिला लागू भएको छ ।

निर्वाचन आयोगले राष्ट्रपति र उपराष्ट्रपति निर्वाचनका लागि फागुन १७ गतेदेखि आचारसंहिता जारी भएको जनाएको छ । आयोगका अनुसार, आगामी चैत ५ गतेसम्म आचारसंहिता लागू हुनेछ ।

राष्ट्रपति विद्यादेवी भण्डारीको पदावधि यही फागुन २८ गतेबाट समाप्त हुन लागेपछि राष्ट्रपतिको निर्वाचन हुन लागेको छ । भावी राष्ट्रपतिका लागि आठदलीय गठबन्धनको तर्फबाट कांग्रेसका रामचन्द्र पौडेल र एमालेतर्फबाट सुवासचन्द्र नेम्वाङ प्रतिस्पर्धामा छन् ।