NepalWatch

News Portal For Eeverything In Nepal from Nepal

२०८१ असार ५ गते
२०८१ असार ५ गते

प्रदेश १ को नाम ‘कोशी’ राख्न एमाले र कांग्रेस सहमत,यस्तो छ प्रदेश सभाको कार्यसूची

काठमाडौं । प्रदेश १ ले नाम टुंग्याउने गरी प्रदेशसभा सचिवालयले तयारी गरेको छ ।

प्रदेश सभा सचिवालयका सचिव गोपालप्रसाद पराजुलीका अनुसार संविधानको धारा २९५ (२) बमोजिम बुधबार बैठकमा नामकरणका लागि प्रस्ताव पेस हुने र आजै निर्णय हुने कार्यसूची छ । प्रदेशको नामाकरण गर्ने सम्बन्धमा संसद सचिवालयले सूचना जारी गरेपछि प्रदेशसभामा प्रतिनिधित्व गर्ने दलहरू आन्तरिक तयारीमा जुटेका छन् ।

प्रदेश १ को नाम कोशी राख्न एमाले र कांग्रेस सहमत भएका छन् । ९३ सदस्यीय प्रदेश सभामा प्रस्तावित नाम पारित हुनका लागि दुईतिहाइ अर्थात् ६२ सदस्य आवश्यक पर्छ । यसका लागि एमाले र कांग्रेस एक ठाउँमा उभिएपछि नामाकरण गर्न सहज हुने देखिन्छ ।

प्रदेश सभामा एमालेको ४० सिट छ । कांग्रेसको २९ सिट छ । यसैगरी, माओवादीको १३, राप्रपाको ४, नेकपा एसको ४ सिट र जसपाको एक सिट छ । यद्यपि प्रदेशको नाम कोशी राख्ने सम्बन्धमा एमाले र कांग्रेसभित्र असन्तुष्टी देखिएका छन् ।

यसअघि प्रदेशको नामाकरण भूगोल, धर्मसंस्कृती वा जातिय पहिचान कुन आधारमा राख्ने भन्नेमा प्रमुख दलहरू विभाजित हुँदा पाँच वर्ष त्यसै खेर गएको थियो । प्रदेश स्थापना भएको पाँच वर्षपछि प्रदेश १ ले नाम पाउने भएको हो ।