काठमाडौं । राष्ट्रिय सभा उपाध्यक्ष उर्मिला अर्यालले राष्ट्रपति विद्यादेवी भण्डारी एमालेको मात्र राष्ट्रपति बनेको आरोप लगाएकी छिन् ।

राष्ट्रिय सभा उपाध्यक्ष भएपछि पहिलो पटक सञ्चारकर्मीहरुसँग कुरा गर्दै उनले राष्ट्रपति भण्डारीले अभिभावकीय भूमिका खेल्न नसकेको आरोप लगाइन् । नागरिकता विधेयक दुई–दुई पटक पठाउँदा पनि रोक्नु पीडादायक भएको उनले बताइन् ।

‘नागरिकता विधेयक नयाँ हिसाबले सोचेर, भनेर एकचोटी फर्काउनुभयो, ठीक छ । दोस्रो पटक आइसकेपछि उहाँ त संवैधानिक पदमा रहेको व्यक्ति हो नि । मैले यहाँ डिक्टेट गर्न मिल्छ त ?मिल्दैन नि’, राष्ट्रपतिमाथि उनले असन्तुष्टी पोखिन । राष्ट्रिय सभाको उपाध्यक्ष भएपछि आफूले पदीय जिम्मवारी बहन गर्दै सन्तुलित भूमिका निर्वाह गर्ने बताइन् ।