काठमाडौं । नेपाल राष्ट्र बैंकले १५ अर्ब ४ करोड रुपैयाँको ट्रेजरी बिल जारी गर्ने भएको छ । राष्ट्र बैंकले जारी गर्न लागेको ट्रेजरी बिलको बोलकबोल भने पर्सि आइतबार हुने छ ।

राष्ट्र बैंकले २८ दिन, ९१ दिन र ३६४ दिनको लागि ट्रेजरी बिल जारी गर्न लागेको हो । राष्ट्र बैंकले २८ दिनको लागि  २ अर्ब रूपैयाँको ट्रेजरी बिल जारी गर्न लागेको छ । जुन यो चैत २१ गते परिपक्व हुनेछ ।

९१ दिनको लागि ६ अर्ब ४ करोड रुपैयाँको ट्रेजरी बिल जारी गर्न लागेको छ । जुन २०८० जेठ २३ गते परिपक्व हुनेछ । त्यसैगरी ३६५ दिनका लागि ७ अर्बको ट्रेजरी बिल जारी हुँदै छ । जुन २०८० भदौ १९ गते परिपक्व हुनेछ ।

ट्रेजरी बिल १ वर्ष वा सो भन्दा कम अवधिका लागि आन्तरिक ऋण उठाउन सरकारले प्रयोग गरिने अल्पकालीन सरकारी ऋणपत्र हो ।