काठमाडौं । स्पेनिस ला लिगा फुटबलमा रियल मड्रिड र रियल बेटिस बराबरीमा रोकिएका छन् ।

गएराति सम्पन्न खेलमा दुवै टिमले गोलरहित बराबरी खेलेका हुन् ।

खेल दौरान रियलले पटकपटक गोलको अवसर सिर्जना गरेको थियो । तर उसले त्यसको उपयोग गर्न चुक्यो ।

खेलको १२ औं मिनेटमा करिम बेन्जिमा गोल गरेका थिए तर भिएआरले त्यसलाई मान्यता दिएन ।

योसँगै रियल २४ खेलमा ५३ अंक जोडेर दोस्रो स्थानमा छ भने
बेटिस ४१ अंकका साथ पाँचौं स्थानमा छ ।

गएराति नै एथ्लेटिक बिल्बाओ र रायोभालेकानोबीच पनि अर्को खेल भयो । यो पनि गोलरहित बराबरीमा सकियो ।