काठमाडौं । नेपाली कांग्रेसका नेता एवं सांसद डा. चन्द्र भण्डारीको स्वास्थ्य अवस्थामा क्रमिक सुधार आएको छ । अहिले भण्डारीको सबै स्वास्थ्य प्यरामिटरहरू सामान्य रहेको उनका दाजु मीन भण्डारीले जानकारी दिएका छन् ।

उनका अनुसार कलमी छालाले राम्रो प्रतिक्रिया दिइरहेको छ । स्वास्थ्यमा क्रमिक सुधार आइरहेको छ । फागुन ३ गते बुद्धनगरस्थित निवासमा ग्यास लिक भई आगलागी हुँदा सांसद भण्डारी र उनकी आमा हरिकला भण्डारी गम्भीर घाइते भएका थिए। हरिकलाको भने उपचारका क्रममा निधन भएको थियो।

भण्डारीको उपचार नेपालमा सम्भव नभएपछि चिकित्सकको सल्लाहमा भारतको मुम्बईस्थित नेशनल बन्र्स सेन्टरमा लगिएको थियो । डाक्टर र अस्पताल प्रशासन द्वारा आगन्तुकहरूलाई कडाइका साथ निषेध गरिएको छ।