काठमाडौं । ११३ औं महिला अन्तर्राष्ट्रिय दिवस आज विश्वभर विविध कार्यक्रम गरी मनाइँदैछ । दिवसका अवसरमा नेपाल सरकारले पनि सार्वजनिक बिदा दिएको छ ।

नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएकी थिइन् । यसैको सम्झनामा हरेक मार्च ८ लाई अन्तर्राष्ट्रिय महिला दिवसका रूपमा मनाउने प्रचलन छ ।

नेपालमा यस वर्ष ‘लैंगिक समानताको बलियो आधारः सिर्जनात्मक प्रविधिमा महिला पहुँचको विस्तार’ नारा दिएर दिवस मनाइँदैछ ।

दिवसका अवसरमा राष्ट्रपति विद्यादेवी भण्डारी, प्रधानमन्त्री पुष्पकमल दाहाललगायतले शुभकामना व्यक्त गरेका छन् ।