काठमाडौं । आईसीसी विश्वकप लिग टूअन्तर्गतको अन्तिम त्रिकोणात्मक सिरिजको पहिलो खेलको सुरुवातमा नेपालले ब्याटिङ गर्ने भएको छ भने पपुवा न्युगिनी (पिएनजी) ले फिल्डिङ रोजेको छ ।

टस जितेको पपुवा न्युगिनीले फिल्डिङ रोजेसँगै नेपालले नेपालले ब्याटिङको निम्तो पाएको हो ।

आजको खेलमा दुवै टिम जित निकालेर सुखद् सुरुवात गर्ने ध्याउन्नमा हुनेछन् ।

गत वर्ष पनि यी दुई टिमबीच जम्काभेट भएको थियो । घरेलु मैदानमा खेल भए पनि नेपालले जित निकाल्न सकेन ।

विश्वकप छनोटमा स्थान बनाउन नेपालले विश्वकप लिग टूको शीर्ष ३ भित्र स्थान बनाउनुपर्ने हुन्छ । त्यसका लागि नेपालले चार खेलमा शतप्रतिशत जित हासिल गर्नुपर्ने बाध्यता छ ।

सात देश सम्मिलित विश्वकप लिग टूमा नेपालले ३२ खेलमा ३२ अंक जोडेर पाँचौं स्थानमा बनाएको छ भने पपुवा न्युगिनी ३२ खेलमा ९ अंक जोडेर अंक तालिकाको सबैभन्दा तल छ ।