काठमाडौं । राष्ट्रिय प्रजातन्त्र पार्टी (राप्रपा) ले उपराष्ट्रपति निर्वाचनमा मतदान नगर्ने निर्णय गरेको छ।

पार्टीको आज बसेको केन्द्रीय कार्यसम्पादन समिति बैठकले उपराष्ट्रपति निर्वाचनमा मतदान नगरी तटस्थ बस्ने निर्णय गरेको हो ।

यही चैत ३ गते उपराष्ट्रपति निर्वाचन हुँदैछ। उपराष्ट्रपति निर्वाचनमा जसपाका संसदीय दलका नेता रामसहायप्रसाद यादव, जनमत पार्टीकी ममता झा, एमालेकी अष्ट्रलक्ष्मी शाक्यले उम्मेदवारी दिएका छन् ।