उपराष्ट्रपति निर्वाचनको मतगणना सुरू, केही बेरमा अन्तिम परिणाम सार्वजनिक हुने

परराष्ट्रमन्त्री खनाल शनिबारदेखि तीनदिने औपचारिक भ्रमणमा भारत जाँदै

उपराष्ट्रपति निर्वाचनको मतगणना सुरू, केही बेरमा अन्तिम परिणाम सार्वजनिक हुने

नेपालवाच २०७९ चैत ३ गते १६:०३

काठमाडौं । उपराष्ट्रपति निर्वाचनको मतगणना सुरू भएको छ । नयाँ बानेश्वरस्थित संसद् भवन अहिले मतगणना जारी रहेकाले केही बेरमा नतिजा आउने निर्वाचन अधिकृतको कार्यालयले जनाएको छ ।

बिहान १० बजेदेखि सुरू भएको मतदान दिउँसो ३ बजे सकिएको थियो । अधिकृतको कार्यालयका अनुसार कुल मतदातामध्ये ८ सय २९ मत खसेको छ । जसमा प्रतिनिधिसभा तथा राष्ट्रिय सभाका ३ सय ११ र प्रदेशसभातर्फ ५ सय १८ सांसदले मतदान गरे ।

संघीय संसदमा ३३२ र प्रदेश सभामा ५५० सांसद मतदाता रहेका थिए । जसमध्ये राप्रपाका १४ र नेमकिपाका एक जनाले मतदान गरेनन् ।