काठमाडौं । इंग्ल्याण्डका स्टार स्ट्राइकर ह्यारी केनले युरो कप छनोटअन्तर्गत इटालीविरुद्धको खेलमा विशेष कीर्तिमान बनाएका छन् ।

इंग्ल्याण्डले इटालीलाई २–१ ले हराएको उक्त खेलको ४४ औं मिनेटमा उनले पेनाल्टीमार्फत गोल गरेका थिए । योसँगै उनले राष्ट्रिय टोलीमा सर्वाधिक गोल गर्ने खेलाडीको कीर्तिमान बनाएका हुन् । सन् २०१५ मा इंग्ल्याण्डको राष्ट्रिय टिममा डेब्यु गरेका उनले हालसम्म ८१ वटा खेल खेलेका छन्, जसमा उनले गरेको गोल संख्या ५४ छ ।

यसअघि वेन रुनीले ११९ औं खेलमा ५३ गोल गरेका थिए । उनले सन् २०१३ देखि २०१८ सम्म इङ्ल्यान्डका लागि खेलेका थिए ।