काठमाडौं । भोलि चैते दसैंको अवसरमा संघीय सरकारले सार्वजनिक बिदा नदिने भएको छ ।

गृह मन्त्रालयका सूचना अधिकारी दिल कुमार तामाङले हालसम्म सरकारले बिदा दिनेबारे निर्णय नगरेकाे जानकारी दिए । ‘भोलिको बिदा पूर्ववत रूपमा क्यालेण्डरमा पनि उल्लेख छैन,’ उनले भने, ‘बिदा दिने भनेर थप निर्णय भएर पनि आएको छैन ।’

बिहीबार रामनवमीको अवसरमा पनि बिदा दिनेबारे केही निर्णय नभएको उनले जानकारी दिए ।

गण्डकी सरकारले भोलि सार्वजनिक बिदा दिने घोषणा गरिसकेको छ । त्यस्तै कर्णाली प्रदेशले बिहीबार रामनवमीको अवसरमा सार्वजनिक बिदा दिने भएको छ ।