काठमाडौं । नागरिक उन्मुक्ति पार्टी (नाउपा)ले पार्टी अध्यक्ष रञ्जिता श्रेष्ठलाई सरकारमा पठाउने भएको छ । सत्ता साझेदार दलहरूबीच भागबण्डामा सहमति भएअनुसार नाउपाले एक मन्त्रालय पाएको छ ।

नाउपाको भागमा भूमिव्यवस्था तथा गरिबी निवारण मन्त्रालय परेको छ । शुक्रबार बसेको नाउपाको बैठकले अध्यक्ष श्रेष्ठलाई मन्त्री बनाउने निर्णय गरेको हो । १० पुसमा प्रधानमन्त्रीमा प्रचण्डलाई समर्थन गरेको नाउपाले पहिलो पटक सरकारमा सहभागी जनाउन लागेको हो ।