काठमाडौं । सामाजिक सुरक्षा भत्ता वितरणमा नक्कली लाभग्राही खडा गरी रकम हिनामीना गर्ने दुई कर्मचारीविरूद्ध अख्तियार दुरूपयोग अनुसन्धान आयोगले भ्रष्टाचार मुद्दा दायर गरेको छ ।

जाजरकोटस्थित छेडछाड नगरपालिका वडा नं १२ का तत्कालिन वडा सचिव देवीलाल जैसी र प्रशासन सकायक रत्न बहादुर कार्कीविरू आज विशेष अदालत काठमाडौंमा मुद्दा दायर भएको हो ।

उनीहरूद्वयले सामाजिक सुरक्षा भत्ता वितरण गर्दा लाभग्राहीहरूको नक्कली विवरण खडा गरी दुई लाख ७३ हजार चार सय रूपैयाँ रकम भ्रष्टाचार गरेको पाइएको छ ।

दुवैलाई सोही रकम बराबरको बिगो मागदाबी कायम गरिएको छ ।