काठमाडौं । न्युकासल युनाइटेडले वेस्ट ह्यामलाई ५–१ को फराकिलो अन्तरमा पराजित गरेको छ । इग्लिस प्रिमियर लिगको गएराति सम्पन्न खेलमा न्यूकासलले बेस्ट ह्याममाथि फराकिलो जित निकालेको हो ।

न्युकासलको जितमा कलम विल्सन र जोलिटनले समान दुई–दुई र एलेक्जान्डर इस्कले एक गोल गरे ।

यो जितसँगै न्युकासल ५३ अंकका साथ तेसे स्थानमा रहन सफल भएको छ भने वेस्ट ह्याम २७ अंकमा १६ औं स्थानमा छ ।

गएराति नै सम्पन्न अर्को खेलमा युनाइटेडले ब्रेन्टफोर्डलाई १–० ले हरायो । युनाइटेडका लागि मार्कस रसफोर्डले निर्णायक गोल गरे ।